والله يا أخوان انك تقرف اللعبة أذا عليك هجومات متكررة فهذا شي طبيعي أو أذا وضعك ما هو مرتاح كمان طبيعي بس اللي ما هو طبيعي أنو أعضاء تحالفك اللي مفروض تتخاوا انت واياهم وتتصادقوا هم اللي يقرفوك اللعبة ويخلوك توصل لحذف عضويتك هذا اللي ما هو طبيعي واول مرة بيحصل معي بثرافيان ...
اخي ما بعرف كيف لازم اعصابك تتحمل . صحيح بالنهاية هذه لعبة بس حلاها أنك بتلعب وبتتنافس ضد لاعبين أخرين ومو ضد برنامج كمبيوتر ... وجمالها انك تختار مجموعة وتكون معهم بالسراء والضراء .
بالعربي الصريح تا تفهموني : بتهجم على قرية أو على لاعب مرة ومرتين وتلاتة وبتضحي بقسم من جنودك وبتعبك وسهرك وأعصابك وفلوسك وبتسويه مزرعة تستفيد من مواردها ...
ويجي عضو بتحالفك ضارب بعرض الحيط كل القوانين و ألأخلاق ومتذاكي على الصياد وعلى رفاقوا يستعمل نوع من انواع السكربتات وما اكترهم ... يبرمج برنامجوا تا يوزع جنودوا 24 /24 نهب من أي قرية ما فيها جنود حتى لوا على مسافة 20 ساعة من قريتوا . يسرق من مزارعك ولما تكلموا جوابوا انو البرنامج هيك عملوا ...
قرفوني اللعبة وندمان على كل التعب والصراحة ما بعرف بأي لحظة أحذف عضويتي وأريح أعصابي ....